تباعاً للمقالات السابقة ومزايا واهمية الفريلانس فلازم احكي عن حاجات لازم تعرفها قبل ما تبداً خصوصا لو فـ اول الكارير:

1- الفريلانس فالبداية مفيهوش فلوس زي مانت متخيل ولا دولارات وممكن توصل لاول سنة بتحاول تجيب شغلانه او اتنين وبسعر قليل عشان تاخد الشغلانه فعشان كدا لازم يكون عندك صبر وهمه ومتستناش الحاجه تجيلك لحد عندك

2- الفريلانس مخاطرة فبداية حياتك , لان مينفعش تغلط وانت هنا بتلعب بسمعتك واسمك عكس الشركة انت متاح تغلط براحتك وفي حد بيعدل عليك وبيساعدك عشان كدا انا بنصح انت تبدأ من شركة فالاول

3- لو من خارج العاصمة وخصوصا في مدن خدمات عملك فيها غير موجودة او شركات مجال عملك غير متاحه فانت ممكن يكون اجباري عليك تبدأ فريلانس وعشان كدا اتدرب كويس وخلي ليك منتور او مدرب يوجهك ويساعدك فمرحلة التعلم وكمان لما يجيلك شغل بحيث يعوضك عن رقم 2

4- ابدأ بشغلانات سهله ومتدورش ع الفلوس فالاول , بس فنفس الوقت متتنازلش عن حقك , واعرف ان الفريلانس سهل جدا جدا يتنصب عليك إلا ومكنش اصبح في منصات عمل ضمن حقك زي باشنورز

5- الفريلانس منافسته شديده جدا فلازم تتطور كل يوم ولازم تعرف كل جديد من جانب عملك ولازم تطور نفسك فالـ سوفت سكلز زي انك ازاي تستهدف العميل وتشتغل معاه, ازاي تتفاوض وتقنع العميل, ازاي تبيع, ازاي تسوق , والحاجات دي اه بتيجي مع الوقت لكن فالبداية بتكون صعبه

وعلفكرة المهارات دي مش ضرورية عشان تتعين في شركة , كفاية انك بتعرف تتواصل بشكل كويس مع اللي حواليك

صباح شغف