الموضوع يطول شرحه لكن هكتبه ع مراحل كسب العملاء بييجي من 3 طرق 1- مواقع التواصل الاجتماعي - بعمل براند لنفسي اظهر بيه على جميع منصات العمل ومنصات التواصل الاجتماعي - بيكون ليا محتوى علي منصات التواصل الاجتماعي بسوق لشغلي - كمان بصنع محتوى ليه علاقة بشغلي يفيد الناس عشان يتابعوني من خلاله , فـ بزود الفولورز من خلال محتوى يفيد الناس - دا بيكون مفيد جدا ان يكون ليكي متابعين حقيقين يفيدك ويزودوكي بأرآئهم وتاخدي قرارتك من خلالهم وبيدوكي امتيازات وترشيحات لاي اعمال خاصة بالتصميم , طبعا الطريق دا صعب ( مفيش طريق مش صعب ) ومحتاج وقت وصبر كتير

2- دائرة المعارف , اوسع دائرة معارفي وببدأ من الاقارب والاصدقاء ولو حد يعرف شخص محتاج مصمم بتواصل معاه وغالبا الطريقة دي بتكون الاقل تنافسياً والاسهل ما بين كل الطرق انك تكسب بيه شغل وتكبر منه لو دائرة معارفك تصلح لـ دا طب لو مفيش ؟ انا بكون صداقات وبكلم ناس كتير ممكن تحتاج شغلي سواء ع منصات العمل او منصات السوشيال ميديا او اقدم استشارات ع منصة باشنورز حتى لو مجاني ( لو انا أهل لتقديم الاستشارات ) ونصيحة مني ركزي علي موقع لينكد إن هو قوي جدا في بناء العلاقات

3- شخص يقوم بتسويق عملي ويجيبلى عملاء بنسبة من الربح , ودا بيتم عن طريقين الطريق الاول عن طريق شخص مسوق بيجيبلي عملاء وبياخد نسخة من ربح شغلي مع العميل ودا بيوفر عليا تعب التسويق والخطوات اللي ذكرتها سابقاً لكن فيه عيوب زي - ممكن يتفق مع العميل بمبلغ مال معين فرضاً 10 ريال ويتفق معي بـ 7 ريال فرضاً وينصب عليا - نسبة هتكون اكبر من منصات العمل الحر - ممكن يكون نشط معي وممكن لا , ممكن يشتغل لحساب مصممين تانيين خصوصا لو سعرهم ارخص

الطريق التاني عبر منصات العمل الحر زي باشنورز وغيرهم دا ليه مميزات وعيوب عشان اكون محايد المميزات: - انا هحتاج لتسويق - مش هحتاج لاي طريقة من الطرق اللي فاتت دي - مش هخصص وقت كل يوم لمدة كام ساعه عشان ادور ع عميل - مش هخاطر اني اتعامل مع عميل ممكن ينصب عليا العيوب: - التنافس بيكون شديد من حيث العروض اللي بيتم تقديمها - العميل بيشوف افضل جودة واقل سعر ودا حقه - التقييم مهم جدا فلو شخص مبتدئ هيعاني شوي لاول مشروع له كيف اعالج العيوب ودا اجابة مختصرة لسؤالك علي فكرة - حيث التنافس في اعتقادي باشنورز هو اقل تنافس بين المصممين ما بين كل المنصات العمل الحر لكن لازم ادرس المنافسين اشوف اعمالهم , مميزين عني في ايه ؟ ايه نقاط القوة فيا واطورها اي نقاط الضعف في مهاراتي عشان اعالجها - البورتفوليو , لازم اعرض مشاريعي بافضل شكل واعلى جودة لان البورتفوليو زي معرض المشتريات انا بعرض افضل منتجاتي ولو معنديش مشاريع كفاية بعمل مشاريع شخصية عادي - تقديم العروض , لازم احط نفسي مكان صاحب المشروع , افكر زيه , هو ليه محتاج مصمم ؟ ايه المشكلة اللي بيواجهها ؟ اغلب اصحاب المشاريع بيعينوا الفريلانسر عشان مشكلة عاجلة , لو عنده شغل مستمر ومش مستعجل كان ممكن يوظف مصمم فول تايم , لجوءه للفريلانسر هو ياما عشان مشكلة لازم احلها بصورة عاجلة او مشروع واحد فقط ومش هيختاج مصمم مره تانيه فبركز ايه مشكلته وفي عرضى للمشروع احاول اكتب المشكلة اللي بيواجهها وازاي اقدر احل دا باحسن شكل واسرع وقت واقدمله استشاره مجانية او نصايح ليه يقدر يثق بيا من خلاله - التقييم , لو معنديش تقييم ع الموقع , بقلل سعري شوية اكسب فقط اول عميل واخد تقييم واكمل زي مانا

هل في طرق تانيه ؟ في كتير طبعا منها فاعليته قليلة , منها طرق قديمة زي الاعلانات عن خدماتي في الجرايد وغيره ومنها اني اقدم عروض عمل للشركات , ابحث مثلا عن شركات ممكن تحتاج مصمم وابعتلها اعمالي او اعمل تصميم ليهم بجودة افضل واخد رأيهم ولو عجبهم شغلي نستمر فالعمل مع بعض ان شاء الله اكون افدتك تعمدت اكتب كل الطرق لجذب العملاء لان الفريلانسر لازم يتواجد في كل مكان